जि.एम. दिपु देपेन्द्रको गजल...
सोचिरहन्छु म कुनै दिन, आऊला कि नआऊला ?
यो मनलाई जॉच्ने मेशिन, आऊला कि नआऊला ?
नरभंक्षी आत्मा बसेको छ, यो घरमा गरिबीको कुनै,
उपबासले लच्छिन, आऊला कि नआऊला ?
तिम्रो प्रयोगशाला के भन्छ, ए ! बैज्ञानिकहरु हो,
भविष्य देखाऊने लाल्टिन, आऊला कि नआऊला ?
परिवर्तनले जलवायु , यी हिमाल पग्ले जस्तै,
मनमुटु पग्लेर जमिन, आऊला कि नआऊला ?
तिमीले मलाई छोड्दा खेरी, केवल यत्ती सोच्दैछु,
तिम्रो बाटोमा कतै कठिन, आऊला कि नआऊला ?
© जि. एम. दिपु देपेन्द्र
• रुकुम
0 comments:
Post a Comment