भावुक योगी, असार ६
यसवर्ष प्रकाशित भएको ०७१ सालको एसएलसी परीक्षाको नतिजामा बर्दियामा २३
प्रतिशत विद्यार्थी उत्तिर्ण भएका छन् । गतवर्षको नतिजा अनुसार यसवर्ष ६
प्रतिशले उत्तिर्ण प्रतिशत घटेको छ ।
गतवर्ष बर्दियामा २९.८ प्रतिशत विद्यार्थी उत्तिर्ण भएकोमा यसपटक २३.०६
प्रतिशत विद्यार्थी उत्तिर्ण भएको जिल्ला शिक्षा कार्यालय बर्दियाले जनाएको
छ ।
सामुदायिक र संस्थागत विद्यालयबाट गरी नियमित तर्फ ०७१ को एसएलसीमा कुल ७
हजार ४ जना परीक्षार्थी सहभागी रहेका थिए । जसमध्ये प्रविधिक शिक्षाका ७९
जनाको नतिजा आएको छैन ।
नियमित तर्फका विशिष्ठ श्रेणीमा ७९ जना, प्रथम श्रेणीमा ५ सय १५ जना,
द्धितिय श्रेणीमा ९ सय ३ जना र तृतिय श्रेणीमा ८२ जना गरी कुल १ हजार ५ सय
९७ जना विद्यार्थी उत्तिर्ण भएका जिल्ला शिक्षा कार्यालय बर्दियाले जनाएको छ
।
२०६६ सालको एसएलसी परीक्षामा बर्दियाबाट सबैभन्दा बढि ५८.८७ प्रतिशत
विद्यार्थी उत्तिर्ण भएका थिए । भने सबैभन्दा कम ०६७ सालमा २४.३५ प्रतिशत र
०६८ को एसएलसीमा २७.२९ प्रतिशत विद्यार्थी उत्तिर्ण भएका थिए ।
यस्तै ०६९ मा २९.६३ प्रतिशत र ०७० मा २९.८ प्रतिशत उत्तिर्ण भएका थिए । तर
०७१को एसएलसी नतिजामा पछिल्लो ५ वर्ष यता सबैभन्दा कम २३.०६ प्रतिशत
विद्यार्थी उत्तिर्ण भएका छन् । गत वर्षको नतिजा अनुसार यसवर्ष ६.७४
प्रतिशले घटेको छ । पछिल्लो ५ वर्ष यता बर्दियामा हरेक वर्ष उत्तिर्ण
प्रतिशत ह्वात्तै आधा घटेको छ । संस्थागत विद्यालयको भने हरेक वर्ष
उत्तिर्ण प्रतिशत बढीरहेको छ ।
विगतका वर्षको तुलनामा परीक्षालाई व्यवस्थित र मर्यादित बनाउँदै परीक्षामा
शुद्धता आएकाले र परीक्षणमा सुधार आएका कारण पनि नतिजा घटन थालेको छ, तर
मुख्यत शिक्षण सिकाई प्रभावकारी नहुनु, पठन पाठन राम्ररी नहुनुले उत्तिर्ण
प्रतिशत घटेको जिशिका बर्दियाले स्वीकार गर्दै जनाएको छ ।
बर्दियाका
सामुदायिक विद्यालय मध्ये खैरीचन्दनपुरको जनचेतना मावि मंगलपुरबाट ७३
प्रतिशत विद्यार्थी उत्तिर्ण भएका छन् । ७२ विद्यार्थी मध्ये ५३ जना
उत्तिर्ण भएका छन् । दोस्रोमा सदरमुकाम गुलरीयाको बगलामुखी माविबाट ६१
प्रतिशत उत्तिर्ण भएका जिशिकाले जनाएको छ ।
यस्तै बर्दियाका अधिकाँस संस्थागत विद्यालयहरुबाट यसवर्ष शत प्रतिशत
विद्यार्थी उत्तिर्ण भएका छन् । गुलरीयाको जनज्योती, सनराईज, लिटीलह्यावन,
कालीकाको शुभकामना एकेडमी, सानोश्रीको अरनिको एकेडमी, राजापुरको
अक्सिीडेन्टल र मगरागडीको पेट्रेट एकेडमीबाट शतप्रतिशत उत्तिर्ण भएका छन् ।
केही संस्थागत विद्यालयहरुबाट भने ६० देखि ९२ प्रतिशत विद्यार्थी उत्तिर्ण
भएका छन् ।
संस्थागत विद्यालयका छात्रको ९१.३८ प्रतिशत
यस्तै बर्दियाको संस्थागत विद्यालयबाट एक जना छात्र बर्दिया सहित
मध्यपश्चिम टपमा पर्ने सम्भावना देखिएको विद्यालयको दावी छ । ठाकुरद्धाराको
विवीए एस मेमोरीयल स्कुलका छात्र युवराज खनाल को ७३१ अर्थात ९१.३८ प्रतिशत
आएपछी हालसम्म बर्दिया टप दावी गर्दै मध्यपश्चिम टप पनि हुन सक्ने
विद्यालयले दावी गरेको छ ।
तर जिल्ला शिक्षा कार्यालय बर्दियाले हालसम्म ९१.३८ भन्दा बढी अरु कसैको छ
की भनेर हेर्न खोज्दा इन्टरनेटको समस्याले गर्दा विशिष्ट श्रेणीमा परेकाहरु
सबैको मार्कसीट नेटमा हेर्न नसक्दा अहिले जिल्ला प्रथम र मध्यपश्चिम यसै
बताउन नसकीने जनाएको छ ।
0 comments:
Post a Comment